Ballkani dështoi të shkëputet edhe më shumë në krye të renditjes, pasi u mposht me rezultatin minimal 1-0 në transfertën ndaj skuadrës së parafundit të renditjes, Vushtrrisë.
Këta të fundit morën fitoren falë një penalltie të ekzekutuar saktë nga Shala në minutën e 33-të, ndërsa tashmë u ngjitën në kuotën e 15 pikëve dhe shpresojnë t’iu largohen zonës së ftohtë.
U rikthye te fitorja edhe Feronikeli, që mposhti Dukagjinin me rezultatin 4-2 në stadiumin “Rexhep Rexhepi” të Drenasit. Neziraj Dabiqaj, Cariaca e Zeka shënuan për kampionët në fuqi, nga dy gola në çdo pjesë, duke vulosur suksesin.
Sfida tjetër e javës, mes Drenicës dhe Ferizajt, përfundoi me fitoren 0-2 të këtyre të fundit, duke përmbyllur kështu një javë mjaft interesante dhe rezultative për skuadrat e fundit të renditjes.