Ballkani merr kreun e Superligës së Kosovës, duke përfituar nga barazimi i Dritës, një ditë më parë, ndaj Drenicës. Skuadra nga Theranda fitoi 0-2 ndaj Trepçës ’89 në “Riza Lushta”, takim që u ndoq nga afër nga trajneri i Kosovës, Bernard Challandes. Golin e parë për Ballkanin e realizoi Mirlind Daku në minutën e 36-të, ndërsa të sigurisë e shënoi Arbër Hoxha në minutën e 69-të, duke vulosur suksesin e mysafirëve.
Me këtë triumf, Ballkani ngjitet në vendin e parë me 55 pikë me golaverazh më të mirë se Drita, ndërsa Trepca’89 mbetet e gjashta me 32 pikë.
Llapi fitoi 4-3 me Arbërinë në një sfidë ku miqtë shënuan 5 gola, por dy në portën e dytë. I pafat Bahtiri, që shënoi dy herë në portën e tij në minutat 3’ dhe 19’, ndërsa mes këtyre finalizimeve barazoi përkohësisht Marclei. Në pjesën e dytë shënuan Hyseni dhe Januzi, ndërsa për Arbërinë sërish Marclei dhe Zabërgja.