Connect with us

Hi, what are you looking for?

Lajme

Ballkani-Gjilani, ora 13:00, xhiroja e 16-të nis me përplasje kryesuesish

Pas ndeshjeve kualifikuese të Europianit, që për fatin e keq nuk shkoi ashtu si të gjithë e prisnin në Kosovë, tashmë vëmendja kthehet në kampionatin vendas.

Java e 16-të të IPKO Superligës së Kosovës troket që këtë të premte me ndeshjen hapëse Ballkani-Gjilani, që do të zhvillohet në orën 13:00, në stadiumin e Therandës.

Është pa dyshim takimi më i rëndësishëm i kësaj xhiroje, pasi përplasen dy ekipet kryesuese. Si Ballkani ashtu edhe Gjilani kanë grumbulluar 31 pikë e tashmë synojnë të ruajnë vazhdimësinë për të mos e humbur pozicionin që kanë. Formacioni i drejtuar nga Ismet Munishi, që ndoshta nuk pritej të kishte këtë ecuri, kërkon të shfrytëzojë në maksimum faktorin fushë (mbështetjen e zjarrtë të tifozëve), për të kaluar me sukses edhe një rival të fortë si Gjilani.

Nga ana tjetër, “skifterët”, të drejtuar nga trajneri nga Vlora, Gentian Mezani, i ka shfaqur haptazi ambiciet për titullin kampion. Nuk është rastësi që Gjilani është ekipi që ka marrë më shumë pikë në ndeshjet jashtë, duke regjistruar pesë fitore dhe vetëm dy humbje. Duhet përmendur fakti që është ekipi i dytë, pas Ferizajt, që nuk pranon barazimin, duke luajtur për gjithçka më çdo ndeshje.

Xhiroja e 16-të vijon të shtunën me Drinica – Vushtrria, Drita – KF Llapi, Flamurtari – Feronikeli e Prishtina  Trepëa ’89, ndërsa të dielën luhet takimi i fundit Ferizaj – Dukagjini.

Java 16

22.11. 13:00

FC Ballkani  – Gjilani

23.11. 13:00

Drenica – Vushtrria

Drita – KF Llapi

Flamurtari – Feronikeli

Prishtina  Trepça ’89

24.11. 13:00

Ferizaj – Dukagjini

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...