Ballkani përforcohet me një futbollist që vjen nga Kategoria Superiore e Shqipërisë. Klubi nga Suhareka e ka huazuar për 6 muaj Almir Ajzerajn, që ishte pjesë e Skënderbeut.
Anësori pas paraqitjeve të mira sezonin e shkuar te Flamurtari, kishte zgjedhur që karrierën ta vazhdojë në Shqipëri, por nuk gjeti hapësirat e nevojshme te klubi korçar duke u kthyer në Kosovë.
Në njoftimin e klubit të Ballkanit për këtë transferim shkruhet:
“Almir Ajazeraj është lojtari i cili i bashkohet rrugëtimit tonë për sezonin pranveror, në formë huazimi nga Skënderbeu me pëlqim tri palësh. Faleminderit klubit të madh shqiptar për mundësinë e bashkëpunimit. Me ardhjen e Almirit edhe zyrtarisht e mbyllim këtë afat kalimtar”.
