Kanë përfunduar dy ndeshjet e para të javës së 25-të në BKT Superligën e Kosovës. Ballkani është përgjigjur me një triumf tenistik pas humbjes ndaj Malishevës.
Ekipi i Ilir Dajës fitoi 6-0 përballë Feronikelit të vendit të fundit. Thaçi, Baftiu dhe Korenica realizuan në pjesën e parë për ekipin nga Suhareka, ndërsa në fraksionin e dytë të takimit gjetën golin edhe Zeka dhe Potoku (2x).
Ballkani vazhdon të kryesojë kampionatin dardan me 51 pikë, katër më shumë se Gjilani, që nesër pret Llapin. Tre pikë mori edhe Prishtina pas fitores 2-0 kundër Ulpianës.
Miqtë rezistuan një pjesë, por Mankenda dhe Zyba i dhuruan fitoren kampionëve në fuqi. Ky ishte triumfi i dytë radhazi për kryeqytetasit, të cilët renditen përkohësisht në vend të pestë.
[quiz-cat id=”297576″]
