Ballkani ngec në transfertën ndaj Dukagjinit që u mbyll me rezultatin 1-1, sfidë e vlefshme për raundin e pestë të Superligës së Kosovës.
Ishin vendasit ata të cilët zhbllokuan sfidën, duke marrë avantazhin me Merlakun në minutën e 44’ dhe duke bërë që pjesa e parë të mbyllej me rezultatin 1-0.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Skuadra e Ilir Dajës reagoi dhe gjeti barazimin në minutën e 70’ me Berishën.
Në fund gjithçka u mbyll me rezultatin 1-1, me Dukagjinin që renditet në vend të tetë me tre pikë, ndërsa Ballkani renditet në vend të dytë me 10 pikë, po aq sa Llapi i vendit të parë, por me ekipin nga Suhareka që numëron një ndeshje më pak.
Ndërkohë, edhe takimi tjetër që u luajt këtë të djelë, ai mes Prishtinës dhe Lirisë përfundoi me barazimin 1-1.
Vendasit gjetën rrugën drejt rrjetës në minutën e 34’ me Kryeziun që kaloi ekipin e tij në avantazh.
Miqtë nga ana tjetër tentuan të reagonin dhe ia dolën të gjenin golin e barazimit në minutën e 79’ me Prins.
Pas javës së pestë Prishtina renditet në vend të katërt me nëntë pikë, teksa Liria pozicionohet në vend të gjashtë me gjashtë pikë.
