Connect with us

Hi, what are you looking for?

Champions League

Ballkani, Struga dhe fituesja e Superiores rrezikojnë short të vështirë në Champions

Ballkani, Struga dhe fituesja e Superiores
Ballkani, Struga dhe fituesja e Superiores

Ballkani dhe Struga kanë arritur zyrtarisht të fitojnë titujt kampion në Kosovë dhe Maqedoninë e Veriut, njëkohësisht kanë siguruar dhe pjesëmarrjen në raundin e parë të kualifikueseve të Champions League. Për shkak të koeficientit të ulët, të dyja këto ekipe ndodhen në vazon e jofavoritëve. Po ashtu dhe skuadra kampione e Shqipërisë do të jetë në vazon e dytë, për shkak se si Tirana, edhe Partizani nuk kanë koeficientin e mjaftueshëm për të qenë në vazon e skuadrave favorite.

Pjesa më e madhe e ekipeve që marrin pjesë në raundin e parë të kualifikueseve të Champions janë përcaktuar, ashtu si dhe vazot e këtij raundi. Kampionia e Turqisë që ende nuk është përcaktuar konsiderohet si kundërshtarja më e fortë. Titulli në elitën e futbollit turk do të ndahet mes Gallatasarayt dhe Fenerbahces.

Lexo edhe:

Qarabag ku luan Redon Xhixha është një tjetër kundërshtar i mundshëm për Ballkanin, Strugën dhe kampionen e Shqipërisë, ashtu si dhe Zrinjski ku luan Marsel Ismailgeci. Skuadra të tjera me koeficient të lartë janë dhe Ferencvaros, Slovan Bratislava, Sheriff Tiraspol, Astana, Maccabi Haifa. Po ashtu dhe kampionia e Bullgarisë ndodhet në vazon e parë, ndërsa mbetet për t’u përcaktuar nëse do të jetë CSKA Sofia apo Ludogorets.

Ekipe disi më të pranueshme mund të jenë Zalgiris, skuadër me të cilën luajti Ballkani edicionin e shkuar, Flora Talin, Shamrock Rovers, The New Saints, ndërkohë që Olimpia Lubiana dhe Helsinki janë dy ekipet e tjera që janë në vazon e parë, të cilat kanë bërë një progres të konsiderueshëm në vitet e fundit. Shorti i raundit të parë të kualifikueseve të Champions League do të hidhet më 20 qershor.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...