Eksperiencës së Mario Balotelit në Francë me skuadrën e Nices duket se i ka ardhur fundi tashmë.Sulmuesi italian, që ka një kontratë të vlefshme deri në 30 qershor, shkruan në profilin e tij në Instagram se mund të largohet në fund të sezonit, edhe pse Supermario se nuk është vendosur ende.
‘Kanë qenë dy vite fantastike – shkruan Balo – falēminderit të gjithëve… Edhe 5 gara ende për t’u luajtur’. Nē një rresht më poshtë Balotelli shton: ‘Nuk është një lamtumirë për momentin, nuk i dihet asnjëherë se çfarë mund të ndodhë në të ardhmen. Doja vetë t’i falenderoja të gjithë’.
Sulmuesi do të largohet me parametra zero, teksa synimi i tij është që të rikthehet në Serinë A. Paraprakisht Roma duket skuadra favorite për të marrë shërbimet e tij, pasi Interi, Milani dhe Juventus kanë refuzuar t’i hapin derën, për shkak të të shkuarës së tij problematike.
