Pas barazimit 0-0 ndaj Partizanit, nga ku mundën të merrnin një pikë, trajneri i Kastriotit, Emiljano Çela e konsideroi këtë sfidë si të vështirë dhe e cilësoi rezultatin si të mirë.
Në lidhje me emisionin ‘Gol pas Goli’, Çela theksoi se për të rëndësi ka që skuadra të përmirësohet javë pas jave.
“Unë pres nga ekipi im që të përmirësohemi çdo ndeshje dhe të fillojmë të luajmë më mirë. Këtë ndeshje prisja më shumë, por kjo ishte edhe nga kundërshtari që tentoni gjithë kohës me goditje vertikale, u munduam që t’i ndalonim. U Kërkova gjatë pushimit lojtarëve që të kishin guxim të luanin. Punuam mirë në ato minuta, ndërsa në minutat e fundit erdhi si pasojë e presioni.”-tha ai.
Më tej tekniku i krutanëve shtoi se kishte disa pakënaqësi në lidhje me arbitrimin, por theksoi se rëndësi më shumë për të ka përmirësimi i situatës së skuadrës.
“Unë mendoj se ne kemi më shumë cilësi se këto dy ekipe se Egnatia dhe Skënderbeu. Por e rëndësishme është që ne të vazhdojmë të punojmë dhe të përmirësohemi nga ndeshja në ndeshje. Kam disa situata që s’më pëlqyen gjatë arbitrimit, por do përmbahem në këtë çështje.”-u shpreh Çela.
[quiz-cat id=”297408″]
