Antoinne Griezmann do të vijojë të jetë pjesë e Atleticos së Madridit. Lajmin e ka dhënë vetë sulmuesi francez nëpërmjet një postimi në Twitter, ku lë të kuptohet se do të vazhdojë të veshë fanellën “Los Colchoneros” edhe sezonin e ardhshëm.
Griezmann u rikthye në Madrid verën e kaluar në një operacion huazimi nga Barcelona, megjithatë duket se klubi i Atleticos ka vendosur të aktivizojë klauzolën që e mban edhe një sezon tjetër në huazim në “Wanda Metropolitana”.
Në këtë mënyrë, skuadra e drejtuar nga Simeone merr përsipër t’i paguajë rrogën sulmuesit francez, ndërsa te Barcelona mund të ndihen të lumtur, pasi nëse Griezmann do të rikthehej, atëherë do të komplikohej jo pak federimi i lojtarëve të rinj.
🔴🏧⚪️
— Antoine Griezmann (@AntoGriezmann) June 29, 2022