Transferimi i Coutinhos te Barcelona duket se po rezulton një nga telenovelat më të gjata, pasi ka filluar që në verën e kaluar dhe nuk dihet ende nëse do përfundojë në muajin janar.
Katalanasit duken të bindur për transferimin e brazilianit në ‘Camp Nou’, por duan të shfrytëzojnë edhe vullnetin e Coutinhos për të ulur sa më shumë çmimin e kartonit.
Nga ana tjetër, drejtuesit e Liverpoolit e kanë treguar se janë ‘kokëfortë’ dhe nuk lëshojnë fare në këtë drejtim. Së fundi, klubi anglez ka bërë të ditur edhe çmimin final të kartonit të Coutinhos, që është plot 140 milionë euro, duke ia lënë topin Barcelonës, për të bërë marrë vendimin final.
Nga ana tjetër Jurgen Klopp ka identifikuar edhe pasuesin e brazilianit, pikërisht fantazistin francez të Monacos, Thomas Lemar, që në fund të gushtit refuzoi ofertën e Arsenalit, për të pritur zhvillimet te ‘The reds’.