Gavi është padyshim një nga premtimet më të mëdha të futbollit spanjoll ndërsa te Barcelona ndihet me fat që kanë në organikë atë që konsiderohet si trashëgimtari natyral i Xavi Hernandez. Këtë sezon, 18-vjeçari është shndërruar në një prej titullarëve kryesorë të blaugranave teksa regjistron 33 ndeshje në LaLiga, mes tyre një gol dhe tre asist.
Ndërkohë, e ardhmja e Gavit është vendosur në dyshim pasi Barcelona është e detyruar të largojë disa lojtarë për shkak të problemeve financiare. Megjithatë, është vetë Gavi që i jep garanci tifozëve të tij se nuk do të ketë një lamtumirë në këtë merkato dhe se për të, Barça është klubi i ëndrrave.
Lexo edhe:
- Një tjetër “yll” në shitje, mesfushori drejt largimit nga PSG pas 11 sezonesh
- Xavi: Ishin 10 muaj me sakrifica, vulosëm kampionatin me një ndeshje fantastike
- Humbja ndaj Brighton, Arteta: Kam vetëm zhgënjim, ua dhuruam pjesën e dytë
- Zielinski: Vjet refuzova kalimin në Premier League, dua të qëndroj këtu!
“Ky kampionat i fituar me Barcelonën do të thotë shumë. Është titulli i parë me këtë fanellë dhe jam shumë i lumtur. Barcelona është klubi i ëndrrave për mua dhe shpresoj të qëndroj gjatë e të fitoj edhe shumë tituj të tjerë”, u shpreh Gavi.
