Connect with us

Hi, what are you looking for?

Futboll

Barça më e ndjekura në stadium, përmirësohen ndjeshëm shifrat e Interit

Kampionatet në Europë janë ndalur për t’u lënë vendin ndeshjeve eliminatore të Euro 2020-ës dhe tani është koha për bilancet paraprake të startit të sezonit, ndërsa janë publikuar edhe të dhënat mbi praninë e tifozëve në stadiume.

Kështu skuadra më e ndjekur nga shkallët e stadiumit, është Barcelona, që ka pasur mesatarisht 79 mijë e 731 tifozë në çdo ndeshje që ka luajtur në “Camp Nou”, e ndjekur nga Borussia e Dortmundit me 78 mijë e 312 tifozë.

Vendi i tretë por me shifra mjaft befasuese, mbahet nga Bayern Munchen, që ka një stadium me kapacitet 75 mijë tifozë, ndërsa mesatarisht në shkallët e “Allianz Stadium” ka 74 mijë persona, duke lënë shumë pak vende bosh.

Ndonëse në një krizë rezultatesh dhe prej disa sezonesh larg vendeve të larta të renditjes, Manchester United vazhdon të ketë spektatorët besnikë në shkallët e “Old Trafford”, me një mesatare të konsiderueshme prej 67 mijë e 138 tifozësh në çdo ndeshje.

Vendi i pestë mbahet nga fansat e Realit të Madridit, që mirëpret në shkallët e “Santiago Bernabeut” një mesatare prej 63 mijë e 158 tifozësh në çdo takim. Një përmirësim të ndjeshëm në numrin e spektatorëve dhe rrjedhimisht në renditjen e skuadrave më të ndjekura, ka pasur edhe Interi.

Zikaltrit janë entuziazmuar nga emërimi i Contes në skuadër dhe merkatoja interesante, që ka ringjallur shpresat për të luftuar për tituj, ndërsa në javët e para në shkallët e stadiumit “San Siro” ka pasur mesatarisht 60 mijë e 881 fansa.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...