Connect with us

Hi, what are you looking for?

Futboll

Barça në sulm për Dybala, ofron André Gomes e Rafinha

Pas largimit të Neymar, Barcelona duhet të gjejë zëvendësuesin e brazilianit për të plotësuar treshën sulmuese përkrah Leo Messit dhe Suarez. Tre janë emrat për “blaugranat”: Di Maria, Coutinho dhe Dybala. Messi do të dëshironte të kishte përkrah lojtarin e Paris Saint Germain, por francezët nuk kanë ndërmend ta shesin Di Marian.

Në anën tjetër, sulmet e katalanëve për Philippe Coutinhon nuk kanë qenë të suksesshme, pasi klubi anglez pretendon rreth 100 milionë euro për brazilianin. Kjo është arsyeja përse pista më konkrete është ajo drejt Paolo Dybala. Për të bindur Juventusin që të heqë dorë nga ylli i ri argjentinas, Barcelona është e gatshme të bëjë një sforco të konsiderueshme. Përveç parave për Dybala, spanjollët ofrojnë edhe Andrè Gomes dhe Rafinha. Dy lojtarë të cilët mendohet se mund të përshtaten mjaft mirë të bardhezinjtë. Kjo është strategjia e katalanëve, pavarësisht se përgjigja e parë nga Torino ishte “Jo” e prerë.

Aktualisht përllogaritet që vlera e argjentinasit në merkato është 120 milionë euro, me shifrën që mund të rritet deri në 140 milionë, bazuar në këmbënguljen për ta blerë dhe domosdoshmërinë e Barcelonës për të kompletuar repartin ofensiv. Nëse Liverpooli vazhdon të rezistojë për të mbajtur Coutinho-n, pista që transferon Paolo Dybala në “Camp Nou” mund të nisë të konkretizohet.

Lajme të tjera

Futboll

Skuadra e Mechelen, e drejtuar nga Besnik Hasi, rikthehet tek fitorja në kampionat belg në play off-in e grupit të Conference League. Pas humbjes...

Futboll

Fernando Santos nuk është më trajner i Beshiktashit, ka bërë të ditur klubi nga Stambolli këtë të shtunë. Vendimi u mor pas barazimit (1-1)...

Kosovë

Gafë e pafalshme e Arijanet Muric në Premier League. Portieri titullar i Kosovës, pjesë e Burnleyt në kampionatin më të bukur në botë, i...

Champions League

Paris Saint Germain u mposht 2-3 në përballjen e parë çerekfinale të Ligës së Kampionëve ndaj Barcelonës në “parkun e Princave”, megjithatë trajneri Luis...