Barcelona vijon ecurinë pozitive, teksa këtë pasdite ka mposhtur me rezultatin e pastër 0-3, Leganesin. Katalanasit gjetën avantazhin që në minutën e 28 me anë të Luis Suarezit, ndërsa në të 60-ën, ishte sërish uruguaiani që dyfishoi shifrat. Rezultatin e vulosi mesfushori brazilian, Paulinho, që shënoi golin e 3-të, në minutën e fundit të lojës.
Pas kësaj fitoreje, Barcelona shkon në kuotën e 34 pikëve, pas vetëm 12 javësh, teksa ka marrë 11 fitore dhe 1 barazim. Katalanasit ndiqen nga Valencia, me 27 pikë, por që do të zbresë në fushë nesër.
Primera Division do të vijojë në mbrëmje, me derbin Atletico Madrid-Real Madrid, që do të startojë në orën 20:45 dhe do të transmetohet live në Supersport dhe Supersport.al.