Connect with us

Hi, what are you looking for?

La Liga

Barça ‘shkatërron’ Villarealin, Reali bie në Sevilla

Me titullin kampion tashmë të fituar, Barcelona vijon të jetë e motivuar për të mbyllur sezonin në La Liga, në kuotën e zero humbjeve.

Pas asaj El Clasico-je të çmendur, skuadra e Valverdes zbriti sërish në ‘Camp Nou’, këtë herë për t’u përballur me Villarealin. Ndaj ‘nëndetëses së verdhë’, katalanët nuk e diskutuan për asnjë moment fitoren, duke mbyllur ndeshjen që në pjesën e parë.

Philippe Coutinho hapi serinë e golave në minutën e 11’, ndërsa Paulinho në të 16-ën dhe Messi në të 45-ën, vulosën rezultatin 3-0 në pjesën e parë.

Në 45-minutëshin e dytë Villareali shënoi golin e vetëm me anë të Sanssones, ndërsa në minutat e fundit të takimit ishte Ousmane Dembele ai që shënoi një dopiete për Barcelonën dhe fiksoi rezultatin 5-1, me Barcelonën që tashmë shkoi në kuotën e 90 pikëve, kur kanë mbetur edhe dy javë për t’u luajtur.

Në sfidën tjetër të mbrëmjes, Reali i Madridit u mposht nga Sevilla me rezultatin 3-2. Në Andaluzi ishin vendasit që e mbyllën pjesën e parë në avantazh të dyfishtë, falë golave të Ben Yadder dhe Layun, ndërsa në minutën e 84-t, ishte Segio Ramos që shënoi në portën e tij, duke thelluar avantazhin e vendasve.

Më pas skuadra e Zidane reagoi dhe shënoi dy gola, fillimisht me Mayoral dhe më pas me Sergio Ramos nga pika e penalltisë, por nuk pati më kohë për të synuar të paktën barazimin.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...