Barcelona kërkon përforcime për krahun e djathtë të mbrojtjes. Drejtuesit e klubit katalanas kanë piketuar 24-vjeçarin e Bayern Munich, Joshua Kimmichi njeriun ideal për këtë korsi.
Gjermani shikohet si zëvendësuesi ideal i Nelson Semedos, i cili me shumë mundësi do të largohet gjatë merkatos së verës. Në rast se Kimmich do të kalonte te Barcelona, do t’i duhej të konkurronte për një vend titullari me Sergi Roberto.
Gjithsesi, pavarësisht zërave të merkatos, vështirë se klubi bavarez do ta linte të lire lojtarin, i cili ka një kontratë deri në vitin 2023 me kampionët gjermanë.