Connect with us

Hi, what are you looking for?

Futboll

Barcelona e largoi me një “e-mail”, futbollisti brazilian ndihet i ofenduar

Merkatoja e futbollistëve prodhon shumë histori, që përfundojnë “me tym të bardhë” apo me prishje të papritur të kontratave. Historia e Matheus Fernandes me Barcelonën i përket kategorisë së dytë, me klubin “blaugrana” që ka zgjidhur kontratën me mesfushorin brazilian (më vonë iu bashkua Palmeirasit).

Befasuese në këtë histori nuk është aq shumë mbyllja e përvojës “blaugrana” e Matheus Fernandes, i blerë në janar 2020 nga Palmeiras dhe i huazuar për 6 muajt në vijim te Valladolidi, por mënyra sesi ndodhi. Në fakt, duket se drejtuesit e Barçës ia kanë komunikuar vendimin lojtarit përmes një “e-mail”-i të thjeshtë.

Një mënyrë e nxituar dhe joprofesionale e të bërit të gjërave, siç deklaroi vetë braziliani në një intervistë për “Globoesporte”:

“Unë nuk dija asgjë dhe, kur mora lajmin, nuk e besova. Drejtuesit më pyeti nëse kisha ende të njëjtën “e-mail”. Për momentin nuk e kuptova, ia nisa “e-mail”-in avokatit tim dhe më tha se më kishin larguar. Në çdo biznes mund të ndodhë që punëdhënësi të të thotë se nuk bën për të, por duhet biseduar. Nuk e di se çfarë po ndodh te Barcelonë, edhe shokë të tjerë u larguan në këtë mënyrë. Mendoj se qëndrimi ishte joprofesional.”

Një përvojë që përfundoi në mënyrën më të keqe, e cila vërteton gjithashtu se Barcelona nuk po kalon një periudhë të shkëlqyer sa i përket mënyrës së drejtimit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...