Lionel Messi e ka filluar shumë mirë sezonin e dytë me PSG-në. 35-vjeçari numëron 7 gola dhe 8 asiste në të gjithë kompeticionet dhe po i rikthehet gradualisht formës së tij më të mirë.
Te Barcelona ëndërrojnë rikthimin e tij në “Camp Nou”, trajneri Xavi i bëri një ftesë publike që të luajë përsëri me ekipin e zemrës, por te PSG nuk po qëndrojnë inaktivë në lidhje me të ardhmen e “pleshtit”.
Drejtuesit e kampionëve të Francës po përgatitin rinovimin me shtatë herë fituesin e “Topit të Artë”, dhe janë gati t’i dhurojnë një kontratë 1+1.
Barcelona i mungon, por Messi po kalon shumë mirë në kryeqytetin francez dhe zgjatja e bashkëpunimit me PSG-në mbetet një mundësi konkrete.
Gjithsesi, palët kanë vendosur të ulen për të biseduar mes tyre pas përfundimit të Kupës së Botës Katar 2022, me kapitenin e Argjentinës që do ketë ide më të qarta rreth së ardhmes.
