Barcelona kërkon përforcime për mbrojtjen dhe ka hedhur sytë nga Manchester City, ku synon të bëjë për vete Eric Garcian. Katalanasit do të provojnë ta rikthejnë talentin në shtëpi, 3 vite pasi “Citizens” e rrëmbyen nga “La Masia” për vetëm 1.7 milionë euro. Mbrojtësi, i cili krahasohet me Gerard Pique nuk ka pranuar të rinovojë kontratën me klubin nga “Etihad Stadium” dhe vitin e ardhshëm do të jetë lojtar i lirë. Gjendur në këtë situatë, Manchester City pritet të pranojë ofertën e Barcelonës, me 19-vjeçarin Garcia që duket i destinuar për t’u rikthyer në Katalonjë.
