Connect with us

Hi, what are you looking for?

La Liga

Barcelona “ngec” edhe ndaj Osasunës, por fiton një sulmues premtues

Barcelona e këtij sezoni duket se vuan në transfertë, teksa pas humbjes 1-0 në javën e parë përballë Athletic Bilbaos, pasditen e sotme nuk shkuan më shumë se barazimi 2-2 përballë Osasunës.

Vendasit kaluan në avantazh në pjesën e parë me anë të mesfushorit 30-vjeçar Roberto Torres, ndërsa Barcelona reagoi në fillim të pjesës së dytë, duke barazuar rezultatin me anë të sulmuesit 17-vjeçar Anssumane Fati.

Ky i fundit debutoi fundjavën e kaluar përballë Betisit, ku luajti 13 minuta, ndërsa sot trajneri Valverde e hodhi nga fillimi i pjesës së dytë dhe djaloshi nuk zhgënjeu, duke shënuar një gol të bukur me kokë.

Pak minuta më vonë ishte një tjetër futbollist i aktivizuar në pjesën e dytë, braziliani Arthur, që shënoi golin e avantazhit për Barcelonën, por 10 minuta nga fundi Osasuna riktheu baraspeshën, me një 11-metërsh të ekzekutuar saktë nga Torres.

Barcelona bën kështu një start zhgënjyes në kampionat, teksa merr vetëm 4 pikë në 3 javët e para, ndonëse shorti ishte treguar bujar, duke mos e vënë përballë provave të vështira.

Megjithatë nota pozitive duket se është pikërisht sulmuesi 17-vjeçar Fati, i cili është rritur në shkollën katalane të futbollit “La Masia” dhe ka dhënë sinjale të qarta se e pret një e ardhme e ndritur.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...