Raphael Dias Belloli, i njohur ndryshe si Raphinha është tashmë një hap larg nënshkrimit me Barcelonën. Edhe pse garën për futbollistin brazilian e udhëhiqte klubi i Chelseat, së fundmi katalanasit kanë bërë një sforco ekonomike dhe kanë ofruar plot 58 milionë euro në drejtim të klubit anglez ndërsa për t’u konsideruar është edhe një bonus prej 10 milionë eurosh.
Në këtë formë, blaaugranat barazuan ofertën e Chelseat për 25-vjeçarin, por dëshira e këtij të fundit për të luajtur në Camp Nou rezultoi vendimtare dhe tashmë janë për t’u mbyllur edhe detajet e fundit para se Raphinha të udhëtojë për në Spanjë dhe për të hedhur firmën më të rëndësishme në karrierë.
Kujtojmë se Raphinha ka mbyllur marrëveshjen personale me Barcelonën katër muaj më parë, mirëpo transferimi ishte në dyshim vetëm prej vështirësisë financiare të Barçës. Sezonin e fundit, Raphinha u aktivizua në 35 ndeshje të Premier League me Leeds duke shënuar 11 gola e duke asistuar në tre raste ndërsa rezultoi vendimtar për të shpëtuar ekipin nga rikthimi në Championship. Në këtë merkato, Barcelona ka afruar edhe Franck Kessie e Andreas Christensen, ndërsa synojnë edhe Cesar Aspilicuetan nga Chelsea.