Paul Pogba eshte duke konsideruar mundësinë për t’i dhënë lamtumirën Manchester United, lajmin e publikon e përditshmja spanjolle AS referuar gazetës torineze Tuttosport, sipas të cilës sekretari teknik i Barcelonës Eric Abidal është duke projektuar një goditje të madhe, kalimin e Paul Pogba në Camp Nou. Për ta vërtetur diçka të tillë përmendet fakti se takimi mes tyre nuk ka qënë thjesht një kafe mes miqsh por Abidal është parë me mesfushorin francez të Djajve të Kuq në Beverly Hills. Referuar lajmit të merkatos që publikon AS, Pogba dhe Abidal kanë biseduar mbi transfertën e mundshme të 25-vjeçarit tek blaugranat edhe pse ky nuk parashikohet aspak një operacion i lehtë, duke nisur nga fakti se lojtari ka një kontratë të vlefshme me United deri në vitin 2021. Mbetet për t’u parë sa ka avancuar me strategjinë e tij joshëse Eric Abidal për francezin kampion bote. Mesfushori ka qënë në orbitën e katalanëve që në vitin 2015 dhe ndoshta ky mund të jetë viti kur Barcelona më në fund të arrijë të ketë shërbimet e tij.