Vështirësitë financiare të kohëve të fundit, kanë detyruar drejtuesit e Barcelonës t’i kushtojnë një vëmendje ekstra lojtarëve me parametër zero në tregun e transferimeve. I radhës që ka përfunduar nën shënjestrën e katalanasve është Nico Williams.
Lojtari i datëlindjes së vitit 2002 që aktivizohet në radhët e Athtletic Bilbaos konsiderohet si një nga sulmuesit e së ardhmes dhe aktualisht është në vitin e fundit të kontratës me baskët. Ndaj, drejtuesit blaugrana nuk kanë humbur kohë dhe kanë nisur kontaktet e para me menaxherin e Williams që tashmë është bërë pjesë edhe e kombëtares së Spanjës.
Lexoni edhe:
- Triumfi ndaj Rumanisë, Duka: Urime Kombëtares U21 për fitoren që na dhuroi emocione të mëdha!
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Jam tifoz i Interit”, Asllanin e nderojnë me çmimin e talenteve: Kënaqësi e madhe!
- Pas super formës me Kombëtaren, Ramadani nis menjëherë punën me Lecce për transfertën e Monzas
Katalanasit kërkojnë të kuptojnë qëllimet e sulmuesit dhe përfaqësuesit të tij, e nëse palët nuk rinvojnë me Bilbaon, atëherë Barcelona do të tentojë të bindë sulmuesin për të “blinduar” kështu repartin ofensiv të trajnerit Xavi Hernandez.
Këtë sezon, Nico Williams e ka nisur më së miri duke regjistruar katër asiste në katër ndeshjet e para të LaLiga-s.
