Connect with us

Hi, what are you looking for?

Kategoria Superiore

Bardhi: Besojmë te mbijetesa, Kastrioti trampolinë për një ekip të madh

23 dhjetor 2018, “Elbasan Arena” ishte skena e një tjetër dështimi për Kastriotin, që pushimet e Krishtlindjes duhej t’i festonte me hidhërimin e të qenit në fundin e klasifikimit, i destinuar për të rënë nga elita e futbollit shqiptar. Skenari u duk i njëjtë me atë të viteve të fundit, një ekip që kish prerë biletën e Kategorisë së Parë pa nisur gjysma e dytë e kampionatit. Megjithatë, në Krujë nuk kishin këtë mendim. Largimi i Stavri Nicës u pasua me ardhjen e Bledar Devollit në krye të skuadrës dhe lëvizje të shumta te grupi i lojtarëve. Nga starti i kampionatit më 27 janar e deri më sot Kastrioti është skuadra që ka grumbulluar më shumë pikë së bashku me Partizanin, plot 20. Një shifër që nuk ka mjaftuar për të dalë nga zona e ftohtë, por që jep besim për sprintin final. Ndaj Luftëtarit erdhi një fitore e çmuar, ku pa diskutim me lojën e tij protagonist ishte Patrik Bardhi. Vetëm 20 vjeç, por në fushë ka treguar pjekuri, ashtu si në mikrofon ku tregon siguri për atë se çfarë Kastrioti mund të arrijë.

Jam i kënaqur me fitoren pasi ishte një fitore morali dhe karakteri. Jemi më afër se kurrë me mbijetesën. Mendoj për të, pasi jemi vetëm 3 pikë larg vendit të parafundit dhe besojmë shumë.

Për habi të të gjithëve, Kastrioti i viti 2019 është një skuadër krejt tjetër, jo vetëm me rezultatet, por edhe me atë që ka treguar në fushën e lojës. Grupi është një miksim mes veteranëve dhe të rinjve të talentuar. Formula e suksesit është vetëm një.

Është harmonia në grup. Punojmë shumë dhe dëgjojmë trajnerin në stërvitje dhe në ndeshje bëjmë atë që na thotë. Kjo na ka sjellë këtu ku jemi.

Patrik Bardhi është formuar në akademinë e Tiranës, duke luajtur madje me ekipin e madh edhe në Kategorinë e Parë, ku në 12 ndeshje realizoi 2 gola. Hapësirat për të te bardheblutë munguan dhe në Krujë kërkon të tregojë aftësitë e tij me një objektiv të qartë në mendje.

Është diçka e mirë për mua të shpalos aftësitë e mia në Superiore. Dua të ndihmoj Kastriotin dhe shpresoj që edhe ekipi të më ndihmojë, pasi dëshiroj të bëj një kapërcim në një skuadër ose kampionat më të fortë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...