Connect with us

Hi, what are you looking for?

Kombëtare

Bare: Sylvinho futi frymën e grupit, të bashkuar nuk i trembemi askujt

Bare: Sylvinho futi frymën e grupit, të bashkuar nuk i trembemi askujt
Bare: Sylvinho futi frymën e grupit, të bashkuar nuk i trembemi askujt

Mesfushori Keidi Bare ishte në krah të trajnerit Sylvinho, në konferencën për shtyp para ndeshjes me Ishujt Faroe, e planifikuar për të hënën në mbrëmje në “Air Albania”. Mesfushori i Espanyolit komentoi kualifikimin në Europian dhe vlerësoi punën e mirë të Sylvinhos, në aspektin e forcimit të grupit.

Kujt ia dedikoni këtë sukses?
Trajneri na ka dhënë shumë besim dhe ka forcuar shumë grupin. Edhe Federata ka bërë një punë shumë të mirë, pasi na ka krijuar kushte fantastike për të punuar. E falënderoj edhe Federatën, pasi ndjehemi shumë mirë me kushtet e punës këtu.

Sa kanë ndikuar dëmtimet në formën tuaj?
Dëmtimet më kanë lënë pak mbrapa, por do të vazhdoj të punoj fort për të arritur atje ku isha dhe mbi të gjtha për të ndihmuar ekipin.

A po e besoni vërtetë atë që keni bërë?
Unë e kam ëndërruar shumë këtë arritje, pasi është diçka unike për ne, për popullin tonë. Ia kemi dalë me sukses, me besim dhe me punë, por mbi të gjtha me mbështetjen e tifozëve. Edhe kur kemi luajtur jashtë vendit, ata kanë qenë prezentë dhe i kemi një lojtar të 12.

Sa mundësi ka që Shqipëria të bëjë diçka më shumë në Europian dhe jo të kënaqet vetëm me pjesëmarrjen?
Na pret një ndeshje të hënën, që është shumë e rëndësishme, pasi duam të qëndrojmë në krye të grupit. Nuk ka mbaruar asgjë dhe rrugëtimi ynë sapo ka nisur. Pas ndeshjes së të hënës do të shohim përpara, për t’u përmirësuar dhe për t’u përfaqësuar sa më mirë në Gjermani.

Lexo edhe:

  1. FOTO/ “E dua kombëtaren me gjithë zemër”, Broja: Qarkullojnë shumë të pavërteta
  2. Zyrtare/ Trajneri i Partizanit, presidenca merr vendimin përfundimtar
  3. Plas te Çekia, trajneri përjashton 3 futbollistë para finales me Moldavinë
  4. VIDEO/ Tifozët dhunojnë boksierin në ring, merret vendimi për duelin Nurja-Ramirez

Cili është ndryshimi mes trajnerit Sylvinho dhe paraardhësve të tij?
Na ka ndihmuar shumë për të forcuar grupin dhe për të qenë të bashkuar si në fushë, ashtu edhe jashtë saj. Futbolli është sport kolektiv dhe trajneri ka futur frymën e grupit, që më pas ka sjellë edhe rezultatet.

Dikush duhet të mbesë jashtë grupit dhe kjo është pjesa më e vështirë…
Kjo është një çështje e vështirë, pasi të gjithë e meritojnë të jenë, por kjo pjesë i takon trajnerit dhe jo mua.

A keni pasur kohë për festë apo keni menduar për ndeshjen e radhës?
Festë ishte ajo që bëmë me tifozët tanë në Moldavi dhe tani jemi të përqendruar vetëm te ndeshja e radhës. Nuk është e thjeshtë, pasi ata dinë të mbrohen shumë mirë dhe kanë shtatlartësi. Ne duam ta fitojmë këtë takim për ta mbyllur sa më mirë edicionin eliminator.

Cili është kundërshtari i preferuar në Euroianin e Gjermanisë?
Nuk kam asnjë kundërshtar të preferuar. Duhet të mendojmë vetëm për vete dhe të bëjmë sa më mirë, pavarësisht kë do të kemi përballë.

Lajme të tjera

Euro 2024

Shqipëria do të luajë në datën 26 mars një ndeshje miqësore ndaj përfaqësues së Zvicrës, lajm që u zbulua në emisionin “ELITE SHOW”. Çdo...

Kombëtare

Italia kampione në fuqi e Europës, do ta nisë Europianin e 2024-ës pikërisht përballë Shqipërisë në “Dortmund, mbrëmjen e 15 qershorit, teksa kreu i...

Futboll

Dani Alves akuzohet për sulm seksual për përdhunimin e dyshuar të një vajze në klubin e natës Sutton, në Barcelonë, më 30 dhjetor të...

Spanjë

Lajme të mira te Real Madrid. Në seancën e fundit stërvitore, organikës së trajnerit Carlo Ancelotti-t i është bashkuar edhe Vinicius Jr. Lexo edhe:...