Barleti Volej siguron biletën për në finale të Kupës së Shqipërisë në volejboll për femra pasi dominoi ndaj Teutës në gjysmëfinalen që u zhvillua në sallën e lojërave me dorë “Feti Borova” në Parkun Olimpik.
Kampionet në fuqi treguan supermacinë ndaj një skuadre ndjeshëm më inferiore duke triumfuar 3-0 me sete, 25-15, 25-20 dhe 25-14.
Vajzat durrsake për asnjë moment nuk arritën të rivalizonin, me Barletin që u shkëput me lehtësi në çdo set, duke koanduar në çdo moment ndeshjen.
Barleti Volej do të përballet në finale me Partizanit, që mposhti lehtësisht 3-0 me sete, 25-13, 25-18 dhe 25-7 Tiranën, në një takim pa shumë histori, që u dominua nga vajzat e kuqe. Diferencat ishin aq të mëdha mbi parket, aq sa në setin e tretë dhe të fundit Tirana realizoi vetëm pikë.
Finalja mes Barletit Volej dhe Partizanit do të zhvillohet të dielën në orën 16:00, po në sallën “Feti Borova” të Parkut Olimpik.