Ander Herrera ka ndërprerë kontratën me PSG-në. Mesfushori spanjoll ka gjetur gjuhën e përbashkët me drejtuesit e kampionëve të Francës për t’u larguar si lojtar i lirë, edhe pse kishte edhe dy vite kontratë.
33-vjeçari ka zgjedhur të rikthehet tek Athletic Bilbao, aty ku e presin krahëhapur trajneri Valverde dhe tifozët baskë. Herrera veshi fanellën e Bilbaos në vitet 2011-2014, duke qenë një nga protagonistët në mbërritjen në finalen e Europa League (2012).
Në stol ishte Ernesto Valverde, njësoj si sot, dhe Bilbao zhvillonte një edicion fantastik në Europë, por në fund dështoi 3-0 në finalen spanjolle të luajtur në Bukuresht të Rumanisë përballë Atletico Madrid.
Herrera u transferua te PSG në verën e vitit 2019 si lojtar i lirë nga Manchester United, duke ia dalë të fitojë pesë trofe me ekipin kryeqytetas.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?