Portieri i Juventusit, Gianluigi Buffon, ka postuar në Instagram një video të cilën e shoqëron edhe me një koment. Bëhet fjalë për një episod të jashtëzakonshëm në përballjen mes AEK-ut të Athinës dhe Strasbourgut më Champions League-n e basketbollit. Sikurse shihet edhe nga pamjet, Giannoulis Larentzakis i skuadrës greke i ka rrëmbyer një top kundërshtarit duke u hedhur si portier.
“Kurrë nuk e kam parë një pritje të tillë,” – shkruante Buffon. Ndërsa Larentzakis iu përgjigj: Faleminderit Gigi, shpresoj që si Juventusi në futboll ashtu edhe AEK-u në basketboll të fitojmë Championsin.”