Connecticut Huskies janë kampionet universitarë të SHBA për 2023. Në finalen e madhe të NCAA, kampionatit amerikan për kolegjet dhe një paradhomë e NBA për sa i përket talenteve, mposhtën në Houston San Diego State 76-59, duke triumfuar për të 5 herë në historinë e programit të tyre të basketbollit, të parën me trajnerin Hurley në stol.
Lojtari më i mirë i Final Four është Adama Sanogo, qendra nga Mali, student-atlet në vitin e tretë. Në turneun e surprizave me asnjë nga skuadrat që ishin kokë serie që nuk arriti deri në finalen e Texas. Connecticut Huskies ishin qartësia, fituan me thuajse 20 pikë diferencë çdo ndeshje.
Nuk janë një skuadër e paprekshme për sa i përket vlerës së lojtarëve, por në këtë turne erdhën në rritje. Të jesh në formën më të mirë atëherë kur duhet është e rëndësishme, me formulën me eliminim të drejtpërdrejtë atë që ju pëlqen më shumë amerikanëve, dhe jo vetëm atyre.
Lexo edhe:
- Shkarkuan Potter, por drejtuesit e Chelsea i bëjnë llogaritë gabim në aspektin financiar
- “PR7” 700 ndeshje si profesionist dhe një rini e dytë, konfirmohet “nuhatja” e trajnerit Sarri
- Euro 2025/ UEFA zgjedh vendin organizator, ja 4 kandidaturat
- Kampion në Maqedoni dhe 1 ndeshje në krye të kombëtares, ja profili i trajnerit të Vllaznisë
Finalja ishte një ndeshje pa histori, ashtu siç kishte ndodhur përballë Miami në gjysmëfinale. Huskies ishin 12 pikë para që në pushim pas 5 minutave të para të ekuilibruara. San Diego Aztecs edhe pse të limituar në mbrojtje u rikthyen duke reduktuar distancën në 5 pikë kur mbeteshin edhe 5 minuta për t’u luajtur, një reagim i fundit krenarie.
Pastaj një trepikësh i Hawkins zgjati sërish diferencën në mbrëmjen ku shënuesi më i mirë ishte Tristen Newton që e mbylli me 19 pikë, teksan nga El Paso. Connecticut me 5 tituj, të gjithë të siguruar në epokën e tashme nga 1999 e deri më sot, tani renditet në vendin e katërt të çdo epokë për triumfet në NCAA. Padyshim në Olimpin e programeve të kolegjeve me gjak blu, kur bëhet fjalë për basketbollin.