Connect with us

Hi, what are you looking for?

Kategoria Superiore

Batha: Presioni sa vjen e rritet, pika e marrë sot ishte si një fitore

Pas mungesës për shkak pezullimi në përballjen me Kukësin, Batha u rikthye në formacionin e Tiranës për derbin ndaj Partizanit dhe dha kontributin e tij që bardheblutë të merrnin një pikë shumë me vlerë sonte.

Në intervistën e dhënë për “Gol pas Goli” në Supersport, mesfushori i njohur pranoi se presioni sa vjen e rritet te bardheblutë, por mohoi se skuadra ka rënë fizikisht. Sa i përket ndeshjes sot, Batha e vlerësoi si një fitore, atë pikë të marrë ndaj Partizanit.

Çfarë ka ndodhur me Tiranën javët e fundit, që nuk po shprehet ashtu si duhet?
Ekipi është futur në një ngërç psikologjik, duke qenë edhe presioni i titullit kampion. Sa më shumë kalojnë ndeshjet, aq më shumë rritet presioni. Nuk ka rëndësi që të luajmë bukur dhe të kënaqim sytë e njerëzve, por të marrim rezultatet dhe të arrijmë objektivin. Mendoj se 1 pikë e marrë sot, ishte si një fitore. Me pikë të barabarta Kukësi është i avantazhuar, ndaj tani luhet me laps me letër. Mendoj se jemi drejt titullit, në rrugën e duhur.

Mos ndoshta ka rënë fizikisht skuadra?
Të jem i sinqertë nuk e di si duket nga jashtë, por për mua personalisht ekipi nuk u duk i lodhur. Ne e dominuam ndeshjen dhe ishim në kontroll të topit. E mbajtëm Partizanin në gjysmëfushën e vetë. Nuk ka asnjë problem, pasi jemi të ndërgjegjshëm për forcën që kemi. Eksperienca e shumë lojtarëve që nuk e kanë provuar shijen e titullit, e bën këtë situatë që të duket kështu.

Duke luajtur gjithonë me të njëjtët lojatrë, duket se edhe loja e tiranës është bërë e lexueshme për kundërshtarët…
Nuk mendoj se është bërë e lexueshme loja e Tiranës. Është fund kampionati dhe pas periudhës së gjatë pushimi, mendoj se është normale që lojtarët të mos shprehen aq mirë. Është normale që lodhja bën të vetën. Mos prisni që ekipi të luajë njësoj si në mes dhe në fund të kampionatit. T’i marrim ndeshjet edhe me lojë të shëmtuar, thjesht na duhen pikët

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...