Në konferencën për shtyp për ndeshjen me Skënderbeun krah trajnerit Ardian Mema u shfaq mesfushori Idriz Batha. Ish-futbollisti i Partizanit thekson se duhet patur respekt për një ekip si Skënderbeu, pavarësisht vështirësive që ka kaluar.
“Ndeshja me Skënderbeun është nga të vështirat dhe meriton respekt. Tirana futet për fitore. Nuk e njoh mirë Tiranën e vjetshme, pasi ka ndryshuar shumë lojtarë, ka ndryshuar edhe trajnimi. Lojtarët janë të rëndësishëm dhe kushdo që luan me mua është mirë.”
Atmosfera: Lojtarët me eksperiencë kanë meritat e tyre dhe kemi një atmosferë pozitive. Në ndeshjet ndaj Skënderbeut shifrat flasin vetë, është një skuadër që ka bërë histori me lojtarë cilësorë dhe meriton respekt.
Mbështetja e tifozëve: Më mjafton respekti me tifozët në fushë dhe nuk kam krijuar marrëdhënie jashtë fushe me tifozëritë e tjera. Më mjafton të jap maksimumin dhe respektin në fushë. Pretendohet që të tregojmë vlerat në fushë dhe jo me fjalë.