Louis Van Gaal i ka qejf batutat dhe me të fundit ka shkrirë gazit Memphis Depay, sulmuesin që ishte përkrah trajnerit të Holandës në konferencën për shtypin përpara sfidës të së premtes ndaj Argjentinës (20:00).
Në lojë është një biletë për në gjysmëfinalet e Kupës së Botës Katar 2022. “Gjenerali”, i cili po shijon aventurën e tretë në stolin e kombëtares tulipane, nuk është fshehur dhe ka deklaruar publikisht se objektivi i tij është fitimi i Botërorit.
Gjatë prononcimit përpara gazetarëve, 71-vjeçari nga Amsterdami dha një përgjigje për Angel Di Marian, me të cilin punoi gjatë kohës kur ishte trajner i Manchester United. “Van Gaal është trajneri më i keq që kam patur në karrierë”, deklaroi argjentinasi.
Ndërkohë, “timonieri” i Holandës u shpreh: “Ai është ndër lojtarët e rrallë që ka këtë mendim për mua. Më vjen keq, është e trishtueshme që dëgjoj se ka folur kështu për mua.
Edhe Memphis (Depay) kishte të njëjtën situatë me mua te Manchesteri, por tani ne e puthim njëri-tjetrin në buzë”, deklaroi Van Gaal, moment që krijoi ilaritet të madh, sidomos te sulmuesi i Barcelonës.
Van Gaal: "Di María chamou-me o pior treinador que ele já teve? Ele é um dos poucos jogadores com essa opinião. Sinto muito por isso e acho triste que ele tenha dito isso. Memphis teve que lidar com isso também em Manchester, e agora nos beijamos na boca." pic.twitter.com/KgI8THcuM8
— Cabine Desportiva (@CabineSport) December 8, 2022
