Ofertë marramendëse nga Gjermania për Thomas Strakoshën. Bayer Leverkusen po tenton të nisë bisedimet me Lazion për portierin shqiptar, për të cilin është gati të shpenzojë 30 milionë euro. Presidenti i bardhekaltërve, Claudio Lotito dhe drejtori sportiv Igli Tare, janë të mendimit që 23-vjeçari kuqezi duhet të qëndrojë në Romë të paktën edhe për një sezon.
Drejtuesit lacialë për momentin i kanë ngritur barrierën Leverkusenit, sepse po presin të kuptojnë se cilat do të jenë lëvizjet e tjera në merkato, edhe pse Strakosha dhe familja e tij janë të gatshëm për të nisur një aventurë të re në Bundesligë. Nëse për shumë lojtarë lacialë, që këkrohen nga klubet e mëdha (Felipe Anderosn apo Milinkovic-Savic), ofertat janë hipotetike, për Strakoshën Lazio i ka në tavolinë 30 milionë euro.
Më këtë ofertë lidhet edhe fakti që Lazio po vonon zyrtarizimin e portierit 35-vjeçar belg me pasaportë italiane të Olympiacosit, Silvio Proto. Sepse, nëse ikën Strakosha, Lazio duhet të gjejë një portier të denjë për rolin e titullarit.
