Arturo Vidal është objektivi i madh i Interit për merkaton e janarit por ashtu siç dështuan gjatë verës gjasat janë që zikaltërit të dështojnë sërish për të firmosur me mesfushorin kilian. Drejtori sportiv i bavarezëve Hasan Salihamidzic ka nënvizuar se Vidal është një lojtar shumë i rëndësishëm për Bayernin dhe nuk do të largohet kurrësesi për asnjë arsye nga kampionët e Gjermanisë në merkaton e dimrit. Boshnjaku shtoi gjithashtu se trajneri i ri Jupp Heynckes e njeh shumë mirë Arturon që nga koha që drejtonte Bayer Leverkusenin dhe di si të marrë më të mirën nga mesfushori amerikano-jugor.