Bayerni i Mynihut vë njërën dorë te titulli kampion i sezonit 2019-2020 në Bundesligë, pasi mposhti Borussia Monchengladbach me rezultatin 2-1 dhe çoi sërish në 7 pikë diferencën nga Dortmundi ndjekës, kur kanë mbetur edhe 9 pikë në lojë deri në finish.
Në “Allianz Arena” bavarezët u paraqitën pa bomberin kryesor të skuadrës, polakun Robert Lewandowski, i cili ishte i pezulluar, ndërsa sfidën e zhbllokoi zëvendësuesi i tij, 19-vjeçari Joshua Zirkee.
Megjithatë vetëm pak minuta më vonë miqtë gjetën barazimin, pas një autogoli të mbrojtësit francez të Bayernit, Benjamin Pavard, ndërsa ky rezultat mbeti në fuqi deri në minutën e 86’, duke dhënë idenë se gjithçka do të mbyllej në baraspeshë.
Por ishte një aksion i nisur nga Leon Goretzka dhe po vetë ky i fundit, pasi u shërbye nga francezi Pavard, arriti të dërgojë për herë të dytë sferën në rrjetë dhe t’i japë fitoren skuadrës së Hans Flick.
Kur kanë mbetur edhe 3 javë nga fundi i Bundesligës, festa e bavarezëve mund të nisë që të martën në mbrëmje, kur do të luajnë në transfertë ndaj Werder Bremen dhe një fitore atje do t’i shpallte matematikisht kampionë.
Bayerni i Mynihut ecën kështu i sigurt drejt titullit të 8 kampion radhazi, pasi ka vendosur diktatin që prej sezonin 2012-2013, ndërsa gjatë gjithë historisë, bavarezët kanë fituar 29 herë titullin dhe këtë sezon pritet ta ngrenë lart kupën për herë të 30.
Haaland mban hapur garën për titull, Paderborn bie matematikisht, Gjasula hyn në histori
