Bayern Munich fiton me “poker” në transfertën e Preussen Munster dhe kalon në raundin e dytë të DFB Pokal.
Skuadra e Tuchel dominoi të gjithë sfidën, ndërsa gjeti golin e parë në minutën e 9’ me Choupo-Moting.
Lexo edhe:
- Shënoi dyglësh ndaj Cluj, Rrahmani shpallet lojtari i javës në Rumani
- Zyrtare, Krychowiak njofton tërheqjen nga kombëtarja polake
- “Fenomeni” martohet për herë të tretë, Ronaldo i thotë “Po” biznesmenes braziliane
- Arsenali kërkon sulmuesin e dënuar për baste
Në minutën e 40’ Laimer dyfishoi avantazhin e bavarezëve, por njëkohësisht gjeti golin e parë në një ndeshje zyrtare me kampionët e Gjermanisë.
Pjesa e parë u vulos nga Kratzig, me 20-vjeçarin që shënoi golin e tretë për Bayern dhe njëkohësisht gjeti rrugën drejt rrjetës për herë të parë në një ndeshje zyrtare.
Në fraksionin e dytë u shënua edhe një gol tjetër, me Tel që realizoi në minutën e 86’ dhe vulosi këtë sfidë.
Pas triumfit 0-4 Bayern Munich siguron kalimin në raundin e dytë, teksa Preussen Munster eliminohet nga DFB Pokal.
