Connect with us

Hi, what are you looking for?

Bundesliga

Bayern ‘shpërblen’ Ulreich, rinovon për 3 sezone

Bayerni i Mynihut shpërblen në mënyrën më të mirë portierin Sven Ulreich, duke shfaqur njëkohësisht edhe gjithë mirënjohjen e mundshme për sezonin e shkëlqyer, teksa rinovon me 29-vjeçarin nga Baden-Wurttemberg edhe për 3 vite të tjera. Kontrata e portierit Sven përfundonte pikërisht në fund të këtij sezoni, megjithatë pas paraqitjeve mbresëlënëse Ulreich, do të qëndrojë në radhët e klubit të famshëm bavarez deri në qershorin e vitit 2021.

Ulreich u transferua te Bayerni në vitin 2015 nga Sttutgarti, klub ku u regjistrua që në moshën 10-vjeçare dhe u tregua tepër i duruar dhe njëherazi edhe i vetëdijshëm për rolin e tij si zëvendësues i zgjedhjes së parë, Manuel Neuer. Ndonëse u desh të priste për jo pak, më në fund rasti për Sven Ulreich u paraqit në shtatorin e vitit të kaluar, kur Manuel Neuer theu gishtat e këmbës, e në fakt që nga ajo kohë ish-portieri i Sttutgartit ka mbajtur fanellën e titullarit, duke justifikuar më së miri besimin e drejtuesve të klubit.

Ulreich, që kishte qëndruar mes shtyllave në vetëm 6 ndeshje në dy sezonet e mëparshme, rezultoi një ndër pikat më të forta në mbrojtjen e Bayernit në edicionin e sivjetshëm, duke ruajtur madje shpesh herë të paprekur rrjetën e portës së tij. Menjëherë pas rinovimit drejtori sportiv i klubit Hasan Salihamidzic tha fjalët më të mira, duke vlerësuar Sven Ulreich jo vetëm si portier, por gjithashtu edhe si person, për rolin e tij përgjatë gjithë këtij sezoni, ku Bayerni është në lojë për të gjithë trofetë, Bundesligë, Kupën e Gjermanisë si dhe Champions League.

Edhe vetë Ulreich shprehu kënaqësinë për besimin e drejtuesve në aftësitë e tij, por deklaroi se ndihet mirë jo vetëm në klub, por bashkë me familjen është përshtatur gjithashtu edhe me qytetin e Mynihut. Sezoni i shkëlqyer i Sven Ulreich ka bërë që edhe vetë trajneri i përfaqësueses Joachim Low të deklarojë se forma shumë e mirë e tij po monitorohet, duke lënë të kuptohet një grumbullim të mundshëm me Gjermaninë, në fazën finale të kampionatit të ardhshëm botëror, Rusi 2018.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...