Liverpool dhe Manchester United po monitorojnë me shumë kujdes talentin e Arsenal Bukayo Saka. 18-vjeçari ka zhvilluar 24 takime këtë sezon me “Topçinjtë” duke gjetur rrugën e rrjetës në 3 raste dhe duke asistuar në 6 raste të tjera shënimi. Mesfushori pëlqehet edhe nga Bayern Munich, ndërkohë që drejtuesit e Arsenal pritet që shumë shpejtë të nisin bisedimet për t’i ofruar atij një kontratë të re. Saka kaloi te ekipi i parë në fillim të këtij sezoni, pasi më parë ka qenë pjesë e ekipit U19 dhe U23.
