Bayerni i Mynihut bëri detyrën në sfidën e vlefshme për javën e 32-të të Bundesligës, teksa mposhti Hannoverin në “Allianz Arena”, me rezultatin 3-1.
Të besuarit e Kovaç zhbllokuan rezultatin me anë të Lewandowskit dhe Goretzka e Ribery shënuan golat e tjerë për bavarezët, ndërsa Hannoveri shënoi golin e vetëm me 11-metërsh, me anë të Jonathas.
Me këtë fitore, Bayerni shkon përkohësisht 5 pikë para Borussias së Dortmundit të vendit të dytë dhe afrohet edhe më shumë me titullin kampion të Gjermanisë.
Në orën 18:30, Bundesliga do të vijë me përballjen mes Werder Bremenit dhe Borussias së Dortmundit, në një sfidë vendimtare për verdhezinjtë, që nëse nuk fitojnë, “vrasin” shpresat për titullin kampion.