Transferimi i Lucas Hernandezit nga Ateltico Madridi në drejtim të Bayernit të Mynihut për shumën e 80 milionë eurove, që përkon edhe me blerjen më të shtrenjtë të klubit bavarez, me prezantimin që do të behet në fund të sezonit aktual, duket se do t’i hapë rrugë largimit të mbrojtësit David Alaba.
Për austriakun në garë janë shumë ekipe por, listën e kryeson Barcelona. Katalanët dëshirojnë të përforcojnë prapavijën dhe Alaba duket zgjedhja ideale. Dëshira nuk mungon nga ana e klubit “blaugrana”, e gatshme të paraqesë një ofertë të kënaqshme financiare për Bayernin, por situata nuk është edhe aq e thjeshtë. Dihet që bavarezët “yjet” e skuadrës nuk i shesin, pavarësisht shumës që mund t’u ofrohet, ndaj edhe për David Alaban, katalanët pritet ta kenë të vështirë.
Ndërkohë që në garë për austriakun është edhe Arsenali. Sezonin e ardhshëm minutat për 26-vjeçarin mund të jenë më të pakta me ardhjen e Lucas Hernandezit, ndaj vetë lojtari mund të kërkojë largimin, teksa në pritje janë Arsenali dhe Barcelona.
