Mbrojtësi francez, Benjamin Pavard, është në krye të listës së dëshirave të Bayern Munchen për t’u afruar gatë merkatos. Sipas mediave gjermane, 22-vjeçari pritet të jetë përforcimi i radhës për bavarezët, të cilët këtë sezon duket se kanë shfaqur mjaft luhatje, sidomos në repartin e mbrojtjes. Për këtë arsye, drejtuesit kanë rikthyer vëmendjen nga mbrojtësi i Stuttgartit, i cili ra në sy mbi të gjitha me paraqitjet e tij në Botëror, ku në fund u shpall fitues me kombëtaren e Francës. Por bavarezët nuk janë klubi i vetëm që ndjekin Pavard, pasi 22-vjeçari pëlqehet shumë edhe nga Napoli.
