Bedri Greca rikthehet në IPKO Superligës e Kosovës, ku më parë ka luajtur për Gjilanin. Gjatë pjesë së dytë të sezonit që sapo u mbyll, Greca dha kontribut për Laçin në Superiore.
29-vjeçari ka firmosur për Feronikelin, ku pritet të ofrojë më tepër cilësi dhe përvojë për sulmin e këtij ekipi.
Roli natyral i tij është si sulmues anësor, përkatësisht i djathtë, por ai është i aftë të luajë edhe si qendërsulmues api i majtë. I përshtatshëm, i gjithanshëm edhe i gatshëm për të tria pozitat e sulmit.
I njohur për depërtimet e tij dhe harkimet e sakta në zonë, Greca pritet të jetë “armë” tejet e fuqishme për klubin, sidomos për repartin sulmues.
Bedri Greca shumicën e karrierës së tij e ka kaluar në Kategorinë Superiore të Shqipërisë, përkatësisht në skuadra si: Flamurtari, Kukësi e Tirana.
Greca është prezantuar sot në ambientet e klubit të Feronikelit nga zëvendëspresidenti Ragip Veseli dhe nga drejtori i përgjithshëm, Artan Berisha.