Gjashtë vite nga aksidenti duke bërë ski në alpet franceze, që u pasua nga periudha e gjatë e rehabilitimit, vijojnë spekulimet për shëndetin e Michael Schumacher. Sikurse shkruan tabloidi anglez “Mirror”, disa foto aspak të këndshme të legjendës së Formula 1, të vjedhura në banesën e tij, janë vënë në shitje për 1 milion stërlina.
Bashkëshortja e Schumacherit, Corina, gjithmonë e kujdesshme për privatësinë e kampionit gjerman, është vënë në lëvizje për të penguar publikimin e tyre.
Për gjendjen e 51-vjeçarit informacionet ka qenë tepër të rezervuara, madje për herë të fundit lajmi zyrtar është dhënë nga spitali i Grenoble në ditët e parë të rehabilitimit. Nga ai moment ka patur shumë spekulime, por ndonjë lajm aty-këtu pa u verifikuar.