Partizani bën një tjetër goditje pak ditë para mbylljes së merkatos. Klubi i kuq njofton arritjen e marrëveshjes me mbrojtësin nigerian, Alma Abbo Wakili. 21-vjeçari, i cili vjen nga Shkëndija e Tetovës, ka firmosur me të kuqtë një kontratë 1- vjeçare me opsion rinovimi edhe për një tjetër sezon. Wakili, i cili luan në rolin e mbrojtësit të majtë, do t’i bashkohet skuadrës të martën në seancën e radhës stërvitore. Afrimi i këtij futbollisti shton konkurrencën në anën e majtë të mbrojtjes, duke i dhënë mundësi Trashit të aktivizohet në mesfushë, ku do të ketë më shumë detyra sulmuese.
Gjatë sezonit të kaluar Alma Abbo Wakili është aktivizuar në 9 ndeshje të Ligës së Parë të Maqedonisë dhe ka realizuar një gol në fitoren 1-3 në fushën e Sileksit.
