Connect with us

Hi, what are you looking for?

Tenis

Befason rekordmenia trofeve Grand Slam: Nuk jam tërhequr nga tenisi!

Tenistja amerikane, Serena Williams, nuk është tërhequr nga sporti i tenisit.  Në një event në San Francisco, ku ajo promovonte kompaninë e saj “Serena Ventures”, ajo deklaroi se shanset për t’u rikthyer janë të mëdha. 41-vjeçarja u tërhoq nga sporti i luajtur pas përfundimit të turneut të fundit të US Open, por tani ka bërë kthesën e madhe.

“Nuk jam tërhequr, shanset që unë të rikthehem janë shumë të mëdha. Vazhdoj ta mendoj akoma rikthimin. Ende nuk e kam menduar vërtet daljen në pension. Nëse vini në shtëpinë time, ju do të shihni se kam një fushë ku stërvitem çdo ditë. Akoma nuk e kam menduar tërheqjen. Para pak ditësh, u zgjova në mëngjes dhe për herë të parë në jetën time u ndjeva çuditshëm, ngaqë nuk do të luaj në një kompeticion. Ishte si dita e parë e pjesës tjetër të jetës sime dhe po e shijoj, por ende po përpiqem ta gjej atë ekuilibër”.

41-vjeçarja ka një karrierë të lavdishme, ku mund të veçohen katër medaljet olimpike, 23 tituj Grand Slam (më shumë se kushdo) dhe rekorde të shumta. Vendimin për t’u tërhequr Serena e mori pas disfatës që pësoi në turneun e US Open ndaj Ajla Tomljanovic. Ajo mbajti një fjalim mallëngjyes përpara publikut të saj amerikan, ku falënderoi mbështetësit, prindërit dhe sigurisht motrën, Venus. Gjatë fjalimit, ajo deklaroi se nuk e mendon rikthimin, por momenti ka ardhur sërish, për ta parë edhe një herë në fushën e lojës legjendën e tenisit.

 

 

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...