Connect with us

Hi, what are you looking for?

Futboll

Befason UEFA, Superkupa e Europës në duart e një femre

Vendim i guximshëm i UEFA-s për Superkupën e Europës, që do të zhvillohet më 14 gusht, në Stamboll, mes dy gjigantëve anglezë, Livepool dhe Chelsea (fituesi i Championsit dhe i Europa League-s). Për herë të parë në historinë e futbollit, në një finale të këtij niveli drejtësinë në fushë do ta vendosë një femër.

Bëhet fjalë për Stéphanie Frappart, gjyqtaren franceze, e cila ka arbitruar finalen e Botërorit të femrave mes Shteteve të Bashkuara dhe Holandës vetëm pak javë më parë.

Frappart arrin ta thyejë për herë të dytë tabunë: në muajin prill u bë femra e parë që vendosi drejtësi në një ndeshje të Ligue 1 mes Amiens dhe Strasbourgut.

Ashtu si në finalen e Botërorit të femrave, Frappart do të ketë si ndihmëse bashkëkombësen e saj, Manuela Nicolosi, dhe irlandezen Michelle O’Neal.

Turku i njohur, Cuneyt Cakir, do të jetë arbitër i katërt. “Në shumë raste jam shprehur se futbolli i femrave nuk ka kufij dhe jam i lumtur që Stephanie Frappart është përcaktuar për finalen e Superkupës. Si organizatorë të garës, i japim rëndësi të madhe zhvillimit të futbollit të femrave në të gjithë sektorët. Shpresoj që aftësia dhe devotshmëria që Stephanie ka treguar gjatë gjithë karrierës së saj të jetë frymëzim për miliona vajza në Europë,” – deklaroi presidenti i UEFA-s, slloveni Aleksander Ceferin.

 

 

 

 

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...