Nëse na fazën e parë Flamurtari kishte mundur t’i merrte pikë Llapit në fushën e këtij të fundit, nuk ndodhi e njëjta gjë në sfidën e luajtur në Prishtinë. Skuadra nga Podujeva u tregua mjaft cinike duke mos pësuar, për të shënuar në fundin e takimit me Behar Maliqin një gol me vlerë trepikëshi.
Ballkani rezultoi “kockë e fortë” për Gjilanin edhe në përballjen e dytë sezonale. Skuadra nga Suhareka fitoi thellë 4-1 në shtëpi, duke iu larguar të paktën përkohësisht zonës së rënies nga kategoria. “Skifterët” kaluan të parët në epërsi me autogol të Gashit, por i njëjti autor realizoi dygolësh për ekipin e tij, të parin dhe të fundit, ndërsa në listën e golashënuesve shtuan emrat Baftiu e Potogu.
Fiton edhe Liria e Prizrenit 0-3 në fushën e KEK-ut, skuadër që e ka marrë që në fillim të sezonin rrugën nga kishte ardhur. Golat e skuadrës mike u shënuan nga Gjeraj, Memaj dhe Karahoda.