Connect with us

Hi, what are you looking for?

Futboll

Bekim Balaj rigjen golin te Akhmat Grozny

 

Bekim Balaj rikthehet me gol te Akhmat Grozny. Sulmuesi shqiptar shënoi me 11-metërsh rrjetën e barazimit 1-1, që skuadra e Premier Ligës ruse regjistroi në miqësoren me Pavlodar, ndeshje e luajtur në Turqi aty ku ekipi nga Çeçenia po zhvillon fazën përgatitore.

Edhe pse me penallti, goli shërbeu si një sinjal i rëndësishëm për sulmuesin shqiptar, që gjatë këtij sezoni ka vuajtur dëmtime të një pas njëshme, të cilat nuk e kanë lejuar të shfaqë potencialin e vërtetë.

Në miqësoren e barazuar përballë rivalëve kazakë, Balaj u aktivizua në formacionin titullar dhe qëndroi në fushë 90 minuta. Kjo ishte hera e parë në shtatë muaj që bomberi kuqezi aktivizohej përgjatë gjithë ndeshjes, diçka që kishte ndodhur për herë të fundit më 16 Korrik të vitit të kaluar, në ndeshjen që Akhmat Grozny fitoi në kampionat përballë Amkar Perm.

Rrjeta e realizuar në miqësore, ku stafi teknik i skuadrës çeçene kishte vendosur të linte pushim pjesën më të madhe të titullarëve, mes të cilëve edhe Odise Roshin, vlen shumë për moralin e Balajt, i cili nuk shënon në kampionat me ekipin nga Grozni prej 21 Majit 2017. Paraqitja e shkodranit është gjithashtu një sinjal pozitiv edhe për Kombëtaren, vetëm një muaj përpara ndeshjes miqësore me Norvegjinë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...