Llapi gjen më në fund pasuesin e Bylbyl Sokolit, i shkarkuar nga detyra pak ditë më parë për shkak të rezultateve poshtë pritshmërive dhe frymës aspak pozitive të krijuar në skuadër. Drejtuesit e klubit kanë vendosur që në rolin e kryetrajnerit deri në fund të kampionatit të jetë Bekim Shotani.
Ai do ndihmohet në këtë detyrë nga ndihmësit Fadil Ademi, Driton Rrahmani, Ardian Sallahu e Bekim Mulliqi. Sot Shotani iu bashkua futbollistëve në stërvitjen e parë.
Llapi, pas shkarkimit të Sokolit fitoi 3-1 me Gjilanin në Podujevë, ndërsa sfida e parë për Shotanin në stol do të jetë takimin me Trepçën ’89 në Mitrovicë.
Llapianët aktualisht renditen të dytët në klasifikimin e përgjithshëm të IPKO Superligë së Kosovës me 19 pikë, 4 më pak se Feronikeli kryesues.